إذا بتتخطّي قهوتك الصباحية ويطلع معك صداع… فالموضوع مش صدفة أبدًا.
جسمك متعود على جرعة الكافيين كل يوم، ولما فجأة ما توصليه، الدماغ بعمل ردّة فعل واضحة.
مع الاعتياد على القهوة يوميًا، الدماغ بيظل مخلي الأوعية الدموية شوي مفتوحة، وكأنه بانتظار الكافيين يرجع ويضيّقها.
ولما ما توصلي الكافيين بوقتك المعتاد، الأوعية بتضل مفتوحة زيادة—وهون بصير الصداع، الثقل، وعدم التركيز.
ليش مفيد إنك تأخّري قهوتك؟
لما تشربي قهوتك أوّل ما تصحي، انتي هيك بتعوّدي جسمك يعتمد على هاللحظة بالضبط.
وأي يوم تتأخري أو ما تشربيها—الانسحاب بصير أقوى.
جربي تستني 60–90 دقيقة بعد ما تصحي قبل أول فنجان.
هالفترة بتسمح لهرموناتك الصباحية تستقر قبل دخول الكافيين، وبتعطيك طاقة أوضح وثبات أكثر خلال اليوم + بتقلل احتمالية الصداع لو تغيّر روتينك.
لسا رح تستمتعي بقهوة الصباح… بس في توقيت يخدم جسمك أكثر ????
إنتِ؟ إذا ما شربتي قهوتك أول ما تصحي… بتحسي بصداع؟ أو بتتغيّر طاقتك؟ احكيلينا. ☕????