انا زينه @Zeena86
٣٥سنة أم لثلاثة أطفال أخصائية نفسية بحب شغلي .بدأت قصتي مع التغيير من كلمة سمعتها من طبيب نفسي الماني خلال دورة تدريبية حول تحمل جسدنا لجزء من الاعباء والصدمات والضغوطات النفسية..وان جزء كبير من العلاج لهذه المشكلات هو العمل على صعيد الجسد..خبرنا انه هذا هو جسمك اسمعيه شو بحكيلك..جسمك رح يكون رفيقك في رحلة حياتك حتى آخر يوم.. افهميه،، حبيه..العنايه فيه..هي مسؤوليتك..
ومن يومها بدأت رحلتي في العناية بالذات..بدأت مع التطبيق بتاريخ ٢٨/١/٢٠٢٠ بوزن ٨٧ كيلو بثقة متدنية بشكلي بخوف من الفشل..وقلق من عدم القدرة على الاستمرار..وبخشونة بالركب..
تطبيق جيم نادز كان بالنسبة الي المنقذ والتوفيق من رب العالمين حتى استمر في مشواري نحو العناية بالذات..الاكل الصحي وبالذات صيام اليوم الكامل علمني اسيطر على رغباتي..بطلت اكل الموجود والبواقي في صحون الاولاد..صرت اقرر واختار شو بدي ادخل على بطني..حسب احتياجي مو حسب المتوفر..
من الرياضة تعلمت اني بجد بحب الحركة وان جسمي قابل للتغيير وان ما في شي مستحيل مع التدريب..
من شرب المي اكتشفت انو جسمي كان جاف مثل وردة مهملة لما تسقيها وتعتني فيها بتزهر وبتنتعش ..
من المشي تعلمت انو الحياة حلوة وبتتغير كل يوم وفيها تفاصيل والوان وأشخاص جدد ما رح اشوفهم الا لما اتحرك وامشي واغير مكاني..اكتشفت قدرات عندي ما كنت بعرفها..
صرت انام احسن..وأعمق
صرت اركز مع الفيتامينات..
فخورة بنفسي وشااااكرة وممتنة لنادز كشخص ملهم ولفريقها المبدع..