▪ كيف بدأت رحلتك مع الرياضة ، وشو اللي بخلّيكي تستمرّي؟
من انا صغيرة وانا بحب الرياضة كتير، لدرجة اني كنت اسجل في الجيم وانا عمري 13 و 14 سنة. بس في هداك الوقت ما كنت اعرف شو الطريقة الصحيحة للتمرين او شو لازم اعمل. بعد ما اتخرجت من المدرسة ، صاحبة قريبة علي شجعتني مرة اني اروح معاها على حصة في الجبم ، اولها كنت مترددة ، لأني كنت خايفة اني ما اعرف اعمل زي باقي المشتركين في الحصة ، بس بعدها حبيت كتير التمرين وتشجعت اني اكمل واني كمان ابدى اتدرب
▪ ايا ستايل تمرين المفضل عندك؟
تمارين حديد ، لأني صرت اشوف نتائج على جسمي وصار عندي الشكل ارتب ، وهاد الاشي اللي خلاني استمر ، لأنه في مقولة بتحكي ( لما بتصيروا تشوفوا نتائج بصير عندكم ادمان ). اكتر نوع تمرين بحب اني اعمله هو تمارن المقاومة ورفع الأثقال ، لأنه بوجهة نظري هاد افضل تمرين لاعطاء قوة جسدية ، جسم انوثي و شكل جميل
▪ شو برأيك ما هو المكمل الأكثر أهمية عند ممارسة الرياضة بانتظام؟
مشروب البروتين هو من المكملات اللي منيح انكم تعتمدوها يوميا خاصة بعد التمرين ، لأنه الجسم بمتص البروتين بطريقة سريعة ، وبالتالي بساعر فس عمل استشفاء للعضلات وبنائهم , مع حرق الدهون في الجسم .
▪ كم عدد أيام الراحة في الأسبوع لازم يأخذها الشخص اللي جديد على الرياضية؟
منيح للمبتدئين انكم تبلشوا تمرين 4 ايام في الاسبوع ، وهيك بكون معكم 3 ايام ترتاحوا فيها ، لأنه اولها بدكم تعودوا جسمكم وعضلاتكم تدريجيا عشان ما تتسببوا في اي اذى للجسم وتكونوا قادرين انكم تستمروا .
▪ نصيحة للبنات؟
نصيحتي الكم صبايا انه مستحيل تشوفو نتائج او تغييرات بس من انكم تتمنوا او تتذمروا يوميا ، لازم توخدوا القرار وتبلشوا . وعشان تحبوا التمرين وتستمروا ، ضروري انكم تختاروا نوع رياضة ممتع الكم ، وطبعا بختلف من شخص لأخر ، لأنه التمرين هو مش تعذيب للجسم ، بالعكس هو من افضل العلاجات للجسد والنفسية .
▪ ▪ ▪ واخر اشي حابة اسألكم صبايا ، شو كان المحفز الكم عشان تبدوا التمرين والاهتمام بصحتكم ؟
❤ mandyspower@