👈مبسوطة، مكتئبة،زهقانة، مضغوطة … كلها حالات ممكن تخلي الشخص يلجأ للاكل. يعتبر هالشي نوعا ما طبيعي اذا تم بين فترة وفترة ومو بشكل متكرر ،خاصة ان الطعام هو جزء مهم من حياتنا اليومية والاجتماعية، وبالتالي ما في مانع من الاستمتاع بالاكل والتساهل احيانا ، من دون ما نشعر بالذنب ونعاقب نفسنا.
👈ولكن عند استخدام الطعام لتخدير المشاعر بشكل متكرر بدون ما يكون الشخص جوعان بالاضافة للشعور بالذنب بعد نوبات الشره ..فرح يسبب الاكل العاطفي زيادة بالوزن ويكون عائق لتحقيق أهدافك .
خطوات 👇رح تساعدك للتغلب على الاكل العاطفي:
🔹ضروري تعرف تميز اذا انت تاكل لانك فعلا جوعان ( الجوع الحقيقي او الجسدي) ولا فقط لمعالجة مشاعرك (الجوع العاطفي).الجوع العاطفي يأتي فجأة، ويميل الشخص لتناول النشويات والحلويات اكثر( 🍕🍔🍟+ ما في احساس بالشبع بل شعور كبير بالذنب.بينما الجوع الحقيقي يكون بالتدريج وعلى الأرجح يتوقف الشخص عن الاكل عند الشعور بالامتلاء + لا يصاحبه الشعور بالذنب . .
🔹حاول انك تحدد المسببات اللي دفعتك للحالة الي انت فيها ودفعتك لتناول الاكل بشراهة من خلال تسجيل كل شي بمفكرة الطعام ( الكثير يمكن يعتبرها طريقة غير عملية) ولكنها فعالة لتفهم فيها افكارك اكثر .. كل ما فهمت نفسك والاسباب كل ما صار عندك تحكم اكثر بقراراتك.
🔹التخيل المستقبلي:خلي تفكيرك ابعد من مجرد “طعم” و ” قوام”الطعام، لانهم مجرد جزء من التجربة الكاملة.مثلا،فكر كيف ستشعر بعد التهام كمية كبيرة من الحلويات؟ نفخة، غازات، تعب وشعور بالذنب لساعات، كل هذا من اجل بضعة دقائق نتيجة لحظة ضعف.
🔹أطعمة تهدىءالجوع العاطفي: التفاح، الجزر، حفنة من اللوز النيء، خليها اختيارك الاول قبل ما تلجأ للاطعمة الدسمة- لانها تعطي شعور بالشبع وتحتاج وقت أطول لتناولها وممكن هالوقت يكون كافي لتنسى فكرة الاكل.
🔹حاول انك تشغل وقتك بشي تحبه او بهواية معينة او مع الاصدقاء – الرياضة او المشي وسيلة ممتازة لتفريغ الطاقة السلبية والحزن وتقتل الملل وتحسن المزاج.
اذا كان الأكل العاطفي شي بتعاني منه فمن المفيد انك تعترف بهالشي لنفسك علشان تقدر تعالج الموضوع .. وتأكد انك مش لوحدك .. الكثير من الاشخاص يعانون من نفس المشكلة .. وان شاء الله يكون هذا البوست خطوتك نحو التغيير.
أخصائية التغذيه – ليليان
dietliliane@